【食冰顧肺經】
/詞淑世生
自古祖先有流傳
天生萬物百百般
五行金木水火土
相生相剋互相補
春夏秋冬各有時
四季節氣現天機
檨仔出產破布子
龍眼竹筍合四序
人講食冰顧肺經
若是破病揣醫生
六月日頭火燒埔
心狂火著走無路
熱天吃冰當著時
心涼脾透心花開
腳手慢頓吃没份
慢來汝著人撿賰
玉井農會檨仔冰
三步一崁足競爭
街頭店面攏是人
兇兇狂狂規碗捀
檨仔冰路好食款
五花十色有夠讚
老人食了活百二
囝仔食冰好育飼
檨仔攃冰黄涔涔
俗擱大碗又滿墘
愛文金鍠料實在
冰沙布丁人人愛
一觳一觳冰淇淋
欲食汝著要卡緊
雪泥圓圓幼綿綿
雪花食著好過年
玉井四面攏是山
隔壁龜丹有温泉
山明水秀人呵咾
招恁逐家來𨑨迌